浩炘的部落格

浩浩(就快4個月大)由上星期六已經有些咳+多痰, 點知到第二日一起身, 聽到佢氣管HEHE聲...發埋燒添!

咪睇私家醫生囉! 但食左藥都無咩用咁..呢段時間, 炘炘又有開始幾聲咳, 之後又發燒, 睇左醫生食藥的了, 都有少少好轉

早兩日夜晚成10點, 見浩浩條氣管真係唔多掂, 咪同老公去鏡湖睇急診, 等左一個鐘後, 醫生都有少少懷疑係肺炎, 但臨床話浩浩又咁精神, 又食得..又唔多似係...結果只係食藥,睇下有冇好轉先.

點知, 個晚返到屋企, 深夜輪到炘炘又發燒...唉..唉...唉...又要去幫襯鏡湖

兩個咁輪住病, 我已經成個星期無交好訓的了, 不過都唯有頂硬上啦!!!!!!

到昨日我收工返到屋企,見炘炘燒到38.8度..都快快手叫我阿媽去鏡湖睇急診, 順手都抱埋浩浩去..因為浩浩都仍然有咳又多痰..

去到急診, 足足等左2個鐘,真係想死...飯都未食呢..抱到手都無力, 一睇醫生話浩浩同炘炘兩邊肺都聽到有聲..又多痰,懷疑7-8成係肺炎,叫我最好照下X光

照完X光,又要等一個鐘先有報告..唉,浩浩又似想疴屎喎! 咪先返屋企,夠鐘時我阿媽先去睇報告,好彩...

結果兩個都無肺炎,唔洗留院, 但炘炘就有氣管炎...兩個都要食藥後再覆診

而今日兩個既情況已經開始有明顯的好轉了,..但係, 聽到下星期又會凍返...

GOD>>>>>>